Lëvizje franceze e lidhur me Pierre Poujade-in dhe Bashkimin për Mbrojtjen e Tregtarëve dhe Artizanëve, të njohur me shkurtesën UDCA, e cila u zhvillua nga viti 1953. Ajo mobilizoi shtresat e ulëta të mesme, dyqanxhinjtë, artizanët dhe një pjesë të fshatarësisë së jugut kundër ndërmarrjeve të mëdha, sindikatave, shtetit dhe administratës, veçanërisht kundër taksave.

Me orientim të djathtë dhe populist, por brenda një ligjërimi republikan, puzhadistët shfrytëzuan pakënaqësinë ndaj Republikës së Katërt. Në zgjedhjet e vitit 1956 morën mbi dy milionë e gjysmë vota dhe 52 mandate parlamentare. Megjithatë, dobësia e drejtimit dhe mungesa e një programi të qëndrueshëm e bënë suksesin jetëshkurtër. Brenda rreth dy vjetësh, lëvizja u shpërbë si forcë e rëndësishme parlamentare.