Mendimtar rus, i lindur më 1856 dhe i vdekur më 1918, një nga udhëheqësit intelektualë të marksizmit rus. Më 1883, gjatë mërgimit, themeloi grupin «Çlirimi i Punës», që luajti rol të rëndësishëm në përhapjen e ideve marksiste në lëvizjen ruse.

Veproi në Partinë Socialdemokrate Ruse dhe ishte ndër redaktorët e gazetës «Iskra», të themeluar më 1900. Në ndarjen partiake të vitit 1903 fillimisht mbështeti Leninin, por më pas u afrua me menshevikët. Ishte kundërshtar i ashpër i marrjes së pushtetit nga bolshevikët në Revolucionin e Tetorit të vitit 1917.